Тыдзень пачатковай школы (2 класы). 10 лютага – Дзень беларускай мовы і літаратуры
10 лютага – Дзень беларускай мовы і літаратуры. Дэвіз дня: “Гучы, мая родная мова!”
Кожны вучань быў актыўным удзельнікам шматлікіх мерапрыемстваў гэтага дня. Малодшыя школьнікі прымалі актыўны ўдзел у конкурсах, гульнях, віктарынах. Вялікую цікавасць выклікала гульня “Мова – гэта стылёва”. На ўсіх этапах гульні дзеці ахвотна прыгадвалі, перакладалі, тлумачылі, цытавалі беларускія прыказкі і прымаўкі, рэдкаўжывальныя словы.
Шмат казак ёсць на свеце! Няма на зямлі таго чалавека, які не любіў бы казак. Сёння вучні адправіліся ў завочнае падарожжа “Па старонках беларускіх казак”. Вучням было цікава падарожнічаць разам з казачнымі героямі. Хлопчыкі і дзяўчынкі гулялі ў цікавыя гульні, разгадвалі рэбусы, загадкі, крыжаванкі. Мерапрыемства пакінула ў дзяцей добрыя ўражанні і прыемны настрой.
З вялікай зацікаўленасцю вучні прымалі ўдзел у акцыі "Нашы любімыя словы".
Хочацца спадзявацца, што беларуская мова будзе заўсёды гучаць з вуснаў дзяцей, што нас ніколі не пакіне жаданне думаць і гаварыць па-беларуску.
