Пад небам Бацькаўшчыны нашай прайшла суровая вайна
Менавіта пад такой назвай прайшла класная гадзіна. Разам з вучнямі мы здзейснілі падарожжа ў мемарыяльны комплекс-помнік дзецям-ахвярам вайны. Мемарыял знаходзіцца ў вёсцы Чырвоны бераг (Жлобінскі раён).
Помнік быў адкрыты ў 2007 годзе.
На месцы помніка калісь была вёска, а ў ёй немцы наладзілі канцлагер для дзяцей ад 8 да 14 гадоў. У дзяцей бралі кроў для нацыстаў. Тых, хто заставаўся жывы, адпраўлялі ў Германію.
Хлопцы і дзяўчаты даведаліся, з чаго складаецца гэты мемарыяльны комплекс.
Сустракае наведвальнікаў фігура дзяўчыны з паднятымі рукамі. Далей трапляем у "Мёртвы клас", у якім белыя парты і чорная дошка. На дошцы пісьмо 15-гадовай Каці Сусанінай, якая пісала бацьку, але пісьмо так і не дайшло да яго. За дошкай знаходзіцца "Плошча Сонца". На гэтай плошчы ёсць Белы паруснік, які сімвалізуе дзіцячыя мары. А вакол парусніка 24 мальберты з малюнкамі дзяцей.
Трэба адзначыць, што больш за ўсё вучняў уразіла дзяўчына з паднятымі рукамі і белыя школьныя парты.
Ёсць фота ў альбоме.
