Азбука беларускага арнаменту
Арнамент - гэта адна з формаў выражэння культуры народа. Беларускі арнамент вельмі загадкавы, каларытны, і вядомы далёка за межамі нашай краіны.Беларускі арнамент пачалі вывучаць яшчэ ў 19 стагоддзі і працягваюць па сённяшні дзень. Арнамент можна падзяліць на тры асноўныя катэгорыі: геаметрычны, раслінны і жывёльны.
Першапачаткова арнамент у нашых продкаў сустракаўся на святочнай вопратцы, якая з'яўлялася непасрэдным адлюстраваннем народнай культуры. Усе рэчы, якія ўпрыгожаны народным беларускім арнаментам, несумненна з'яўляюцца высокамастацкімі творамі.
На працягу ўсяго тыдня роднай мовы ў фае першага паверха можна было пазнаёміцца з азбукай беларускага арнаменту. У экспазіцыі быў прадстаўлены геаметрычны арнамент, які складаецца з прамых ліній, а таксама геаметрычных фігур - прамавугольнікаў, квадратаў, ромбаў і інш. Хлопцы і дзяўчаты маглі разгледзець некаторыя сімвалы беларускага арнаменту: сям'я, агонь, зямля, энергія, чысціня.
