Лістапад для 8 "В"
Лістапад выдаўся багатым для вучняў нашага класа на пазакласныя мерапрыемствы, тэматычна разнастайныя класныя і інфармацыйныя гадзіны, агульнашкольныя падзеі і акцыі. Шосты школьны дзень у чарговы раз сабраў аднакласнікаў у нефармальнай абстаноўцы і паспрыяў новаму ўзроўню зносін паміж дзецьмі і класным кіраўніком. На класных і інфармацыйных гадзінах мы знаёміліся з такім паняццем, як Моладзевы парламент, разважалі пра зайздрасць, сорам і сумленне, выпрацоўвалі жыццесцвярджальныя прынцыпы адносінаў да сябе самога і іншых. Хлопцы і дзяўчаты адгукнуліся і прынялі актыўны ўдзел у акцыі "Вера ў цуды" і аформілі прыгожы салодкі пачастунак для дзяцей-сірот. Наперадзе ў нас снежань, які таксама будзе багаты на розныя падзеі і святочныя мерапрыемствы.
