Неделя начальной школы: день второй
1 лютага ў нашай школе прайшоў дзень Роднай мовы. Кожны вучань першых класаў быў актыўным удзельнікам шматлікіх мерапрыемстваў гэтага дня.
З вялікім захапленнем дзеці прымалі ўдзел у віктарыне “Падарожжа па беларускіх казках”. Працягам дня была гульня “Знаўцы роднай мовы”, якая заклікала мовазнаўцаў з кожнага класа на спаборніцтва. Дзеці праявілі сваю эрудыцыю і кемлівасць.
На працягу дня ўсе школьнікі прымалі ўдзел у акцыі “Рускай мове дай разгрузку – размаўляй па –беларуску”. Разам са сваімі настаўнікамі хлопчыкі і дзяўчынкі размаўлялі на беларускай мове, тым самым папаўнялі свой слоўнікавы запас, а таксама даказалі ўсім, што беларуская мова прыгожая і мілагучная.
Вельмі разнастайнымі і незвычайнымі атрымаліся малюнкі на тэму “Зямля пад белымі крыламі”.
Не абышлося і без вясёлых перапынкаў, на якіх дзеці змаглі пазнаёміцца з мультфільмамі на беларускай мове.
Вельмі цікавы і насычаны атрымаўся сённяшні дзень. Дзеці пазнаёміліся з народнымі песнямі, казкамі, мультфільмамі, звычаямі.
