Тыдзень беларускай мовы і літаратуры: дзень чацвёрты
У рамках Тыдня беларускай мовы і літаратуры паміж вучнямі 7 класаў (настаўнік Богдан Ю. А.) прайшоў Брэйн-рынг "Словы роднай мовы". Вучні спаборнічалі паміж сабой у веданні родных беларускіх слоў, загадак.
У напружанай барацьбе ўсё ж такі перамагло сяброўства.
У 8а і 8е класах (настаўнік Валасевіч І.В.) прайшло з вялікай цікавасцю мерапрыемства "Скарбонка чароўных слоў". У час урокаў беларускай мовы вучні выцягвалі са скарбонкі паперкі з напісанымі беларускімі словамі. Вучні павінны былі растлумачыць значэнне слова і назваць адпаведнік у беларускай мове.
За правільныя адказы вучні атрымоўвалі салодкі прыз (цукерку), што яшчэ больш заахвочвала дзяцей.
Таксама ў рамках Тыдня беларускай мовы і літаратуры адбылася творчая сустрэча вучняў 9-д и 5-д класаў (настаўнікі Шаціла С.М. і Бітук А.Т.) з паэткай-зямлячкай, членам Саюза пісьменнікаў Беларусі, Вікторыяй Смолкай.
Дзеці атрымалі асалоду не толькі ад пачутых вершаў, а і ад паэтычных паштовак "З вершаняткавай дзюбкі", якія падарыла ім паэтка.
Сустрэча прайшла ў цёплай,сяброўскай атмасферы,а шчырыя вершы паэткі нікога не пакінулі абыякавым да гучання спадчыннага беларускага слова, "апранутага" ў прывабны "паэтычны строй".
5 "В" клас (настаўнік Лойша Т. В.) прыняў удзел у марфалагічнай акцыі "Самы яркі прыметнік". Вучні з актыўнасцю дзяліліся найлепшымі словамі, што абазначаюць прымету прадмета.
У 9 "А" класе (настаўнік Малаш М.А.) прайшоў відэапрагляд "10 прычын гаварыць па-беларуску".
Вучні яшчэ раз упэўніліся ў мілагучнасці, непаўторнасці роднай беларускай мовы, а таксама ў тым, што ведаць некалькі моў- ганарова!
Найперш жа трэба ведаць сваю!!!
Квітней, беларуская мова!!!
Турнір знаўцаў беларускай мовы “Арфаграфічны бой” – такое мерапрыемства ў рамках Тыдня беларускай мовы і літаратуры прайшло ў 6 “В”, “Г”, “Д” класах.
Выконваючы цікавыя і пазнавальныя заданні, удзельнікі мерапрыемства акунуліся ў чароўны свет роднай мовы.
Вучні працавалі з прапанаванымі заданнямі:"Арфаграфічны бой", "Узнаві літаратурны тэкст", "Назаві па-беларуску" і г.д., у выніку якіх былі прадэманстраваны веды вучняў па беларускай мове і літаратуры.
Перамагло сяброўства! Кожны вучань прадэманстраваў добрыя веды, арыгінальныя рашэнні, творчы падыход да заданняў.
