Віншуем пераможцу Рэспубліканскага конкурсу творчых работ, прысвечанага Году народнага адзінства!
У пачатку 2021 года Нацыянальная акадэмія навук Беларусі аб’явіла Рэспубліканскі конкурс творчых работ, прысвечаны Году народнага адзінства. Конкурс праводзіўся па 7 намінацыях і накіраваны на фарміраванне пачуцця гонару за гераічнае мінулае, падтрымку таленавітых творчых людзей, папулярызацыю гісторыі і культуры Беларусі, праводзіўся ўпершыню і стаў яскравай падзеяй 2021 года. Да ўдзелу ў ім запрашаліся творчыя людзі, аматары і прафесіяналы (навукоўцы, пісьменнікі, журналісты, мастакі, кампазітары, скульптары, фатографы, майстры народных промыслаў), а таксама настаўнікі, школьнікі і студэнты, работы якіх увасабляюць ідэі нацыянальнага адзінства, грамадскай згоды і грамадскага ўзаемаразумення.
На суд журы было прадстаўлена больш як 1500 твораў розных жанраў: песні, вершы, апавяданні, нарысы, проза, літаратурныя нарысы, даследаванні, творы выяўленчага і прыкладнога мастацтва, фатаграфіі, відэа і кароткаметражныя фільмы па аўтарскіх сцэнарыях.
У намінацыі«Вершы і апавяданні пра сваю зямлю» пераможцай стала вучаніца 9"Б" класа Калеснік Кацярына.
Віншуем з перамогай Кацярыну і яе настаўніцу Шаціло Святлану Мікалаеўну!
