Вынікі Рэспубліканскага інтэрнэт-конкурсу, прысвечанага 100-годдзю з дня нараджэння Івана Шамякіна
Падведзены вынікі Рэспубліканскага інтэрнэт-конкурсу, прысвечанага 100-годдзю з дня нараджэння Івана Шамякіна, на лепшае кароткае апавяданне, які з лютага па красавік 2021 года ладзіўся навукова-метадычнай установай «Нацыянальны інстытут адукацыі» Міністэрства адукацыі Рэспублікі Беларусь.
Інфармацыйна-метадычную і тэхніка-тэхналагічную падтрымку мерапрыемства ажыццяўляла ўпраўленне дыстанцыйных адукацыйных паслуг адукацыйнага цэнтра. Конкурс праводзіўся з мэтай выяўлення і падтрымкі аўтараў-пачаткоўцаў сярод вучняў устаноў агульнай сярэдняй адукацыі, павышэння матывацыі навучэнцаў да асобаснага і інтэлектуальнага развіцця праз выкарыстанне магчымасцей сучасных інфармацыйных тэхналогій.
Да ўдзелу ў мерапрыемстве запрашаліся вучні ўстаноў агульнай сярэдняй адукацыі індывідуальна ці ў складзе аўтарскага калектыву (не больш за 3 чалавекі) у трох узроставых катэгорыях: V–VI класы, VII– VIII класы, IX–XI класы. Усяго на конкурс было даслана 980 творчых работ удзельнікаў з усіх рэгіёнаў Беларусі. Кампетэнтнае журы, у склад якога ўвайшлі супрацоўнікі Нацыянальнага інстытута адукацыі, вылучыла пераможцаў конкурсу.
Дыплом ІІ ступені: Міхасёва Паліна Сяргееўна,
вучаніца VIII “А” класа ДУА «Сярэдняя школа № 41 г. Гродна», апавяданне «Цінка і сланечнік». Настаўнік: Малаш Марыя Аляксееўна.
ВІНШУЕМ!
