Другі дзень нядзелі пачатковай школы 3-4 класаў
16 лютага прайшоў дзень Роднай мовы. Кожны вучань быў актыўным удзельнікам шматлікіх мерапрыемстваў гэтага дня. Вучнi 4-х класаў адправiлiся ў "Падароджжа па беларускiх казках", прынялi ўдзел у гульнi "Па старонках роднай мовы", пашырылi свае веды аб беларускiм арнаменце. Школьнікі прынялі ўдзел у акцыі "Рускай мове дай разгрузку - размаўляй па-беларуску". Вучні малодшых класаў усім даказалі, што беларуская мова прыгожая і вельмі простая.
На працягу дня кожны меў магчымасць папоўніць свой слоўнікавы запас з дапамогай малюнкаў, якія ўпрыгожвалі кабінеты пачатковых класаў.
Трэба любіць, ведаць і шанаваць мову свайго народа і ўмець дасканала валодаць ёю."Словы беларускага класіка Якуба Коласа сталі дэвізам другога дня прадметнага тыдня "Марафон ведаў" - дня роднай мовы.
Вучні трэціх класаў з захапленнем выконвалі заданні ў межах мерапрыемства "Вясёлы перапынак". Тут дзеці малявалі, разгадвалі рэбусы і крыжаванкі. Лілася беларуская мова з усіх куточкаў школы.
Віктарына "Сцяжынкамі роднай мовы" зайшла у кожны класны калектыў, пранікла ў душы дзяцей і павяла іх да вытокаў народнай мовы. Працягам гэтага быў конкурс-выстава "Мова ў прыказках і прымаўках." Колькі мудрасці зачарпнулі дзеці! Жадаем выкарыстаць яе ў жыцці. Гульня "Знаўцы роднай мовы" заклікала мовазнаўцаў з кожнага класа на спаборніцтва. Дзеці праявілі сваю эрудыцыю і кемлівасць. Конкурс чытачоў "Чытай сваё, чытай роднае" дапамог раскрыць таленты дэкламавання вершаў. Асаблівая атмасфера гучання беларускай мовы ў вершах напоўніла класны пакой. Дзякуючы сённяшняму дню дзеці пазнаёміліся з народнымі песнямі, казкамі, звычаямі, атрымалі мудрыя ўрокі.
