Нашы поспехі
Вось і падведзены вынікі першай чвэрці. Два месяцы вучні нашага класа актыўна праяўлялі сябе ў вучэбнай дзейнасці і ў розных пазакласных мерапрыемствах.
Віншуем вучняў, якія закончылі чвэрць на "выдатна": Бароўская Ганна і Калінкіна Варвара. Жадаем незгасальнага імкнення да атрымання новых ведаў і ўражанняў. З адзнакамі 8-10 чвэрць закончылі: Кухта Арыяна, Маліноўская Лізавета, Манойла Анастасія. Дзяўчатам жадаем поспехаў і здольнасці перамагаць любыя перашкоды ў навучанні. Сярэдні бал па класе - 7,77. МАЛАЙЦЫ!!!
Цікавяцца нашы вучні не толькі вучобай. У гэтай чвэрці мы здзейснілі пешую экскурсію па родным горадзе, па яго гістарычным цэнтры. У памяці засталіся прыемныя ўражанні. На Дзень настаўніка Маша і Маргарыта зрабілі прыгожую віншавальную паштоўку для настаўнікаў нашай школы. Актыўна прымалі ўдзел вучні і ў фотачэленджы "Эстафета памяці - адзінства пакаленняў": свае фотаздымкі даслалі Ліза, Даша, Варвара, Андрэй, Ілья, Арына. Маша, Дзіма, Дарына, Насця прынялі ўдзел у акцыі "Эканамічна-экалагічна". Яны прынеслі макулатуру, пластыкавыя крышачкі, адпрацаваныя батарэйкі. Таксама пры падрыхтоўцы да суботняга мерапрыемства актыўнасць праявілі Арцём Бобча і Арцём Трафіменка, Насця і Паліна Рак, Варвара, Арыяна, Фёдар. Яны падзяліліся сваімі фотаздымкамі для таго, каб падрыхтаваць відэаролік на тэму "Свет маіх зацікаўленасцяў. Спорт". Варвара, Паліна і Насця правялі спартыўны майстар-клас.
Жадаем, каб кожны дзень вучняў нашага класа быў напоўнены яркімі момантамі і падзеямі!
