Паспяховае заканчэнне навучальнага года!
Навучальны год праляцеў нібыта адзін дзень. Рознае было за гэты час у нашым класным калектыве: і моманты радасці за сябе і за аднакласнікаў, і моманты смутку, і моманты зайздрасці, і моманты крыўды, і моманты шчасця...штосьці забываецца, штосьці ў памяці застаецца) Прыйшоў час падвесці пэўныя вынікі нашай паспяховасці.
На выдатна гэты навучальны год закончылі Ганна Бароўская і Варвара Калінкіна. На ўрачыстай лінейцы дзяўчаты атрымалі Пахвальныя лісты за свае шматлікія дасягненні: удзел у школьных прадметных алімпіядах і конкурсах, навукова-практычных канферэнцыях раённага і абласнога ўзроўняў.
Хочацца адзначыць поспехі ў авалоданні новымі ведамі і ўменнямі наступных вучняў: Арыяна Кухта, Аліна Якімчык, Дар'я Дынішкіна, Артур Аляксеенка, Арына Блох.
Сярэдні бал па выніках навучальнага года ў нашым класе атрымаўся 7,75.
Слоў удзячнасці заслугоўвае і творчая група класа, якая была правай рукой класнага кіраўніка. Гэтыя энтузіясты гатовы ў любы момант прыйсці на дапамогу, нешта намаляваць, выразаць, склеіць, арганізаваць мерапрыемства: Кацярына Кавальчук, Маргарыта Пахутка, Арыяна Кухта, Сафія Коўш.
Усяму класу жадаем здорава адпачыць на летніх канікулах, назапасіць сонечнай энергіі на новы навучальны год, радавацца кожнаму дню разам са сваімі сябрамі!!!
